Raportimet e Qytetarëve

Prokuroria e Elbasanit ka bërë publike detajet e hetimit për skandalin e korrupsionit në Universitetin e Elbasanit, konkretisht në Fakultetin e Ciklit të Ulët, ku janë arrestuar gjashtë pedagogë dhe një sekser i dyshuar, i cili është bashkëshort i një pedagogeje. Një tjetër person është shpallur në kërkim. Pas marrjes së kallëzimit, prokuroria ka zhvilluar veprime hetimore në ambientet e universitetit, ku janë shqyrtuar pamjet filmike të ofruara nga qytetarët dhe janë intervistuar individë që kishin njohuri për rastin. Gjatë hetimeve, janë kryer kontrolli i banesave, sekuestrimi i provave materiale dhe shoqërimi i disa personave në ambientet e Drejtorisë Vendore të Policisë Elbasan. Operacioni ka përfshirë gjithashtu kontrollet në Universitetin “Aleksandër Xhuvani” dhe në Fakultetin e Ciklit të Ulët, ku janë sekuestruar dokumente lidhur me rastin e korrupsionit. Sipas policisë, gjatë operacionit të koduar “Teza”, u arrestuan në flagrancë: Monika Hodaj, pedagoge e lëndës ‘Edukim gjinor në fëmijërinë e hershme’, Beatriçe Gani, pedagoge e lëndës ‘Të mësuarit nëpërmjet lojës’, Florinda Tarusha, pedagoge e Filozofisë së edukimit, Adrian Shingjergji, pedagog i lëndës ‘Edukimi motorrik’, Ornela Bilali, pedagoge e ‘Artit dhe krijimtarisë’ dhe Zyhra Gripshi, pedagoge e lëndës ‘Puna me familjen dhe komunitetin’. Monika Hodaj Gjithashtu më tej u administrua procesverbali në Sekretari për dokumentacionin për secilën nga lëndët mësimore që studentja ka dhënë si provime të mbartura në zezonin e vjeshtës (muaji Shtator 2024).Gjykata ka dhënë më 1 nëntor masën “arrest me burg” për të 8 të dyshuarit dhe hetimi është ende aktiv. Edlira Gugu Pedagogia që ende nuk është arrestuar është Edlira Gugu, e lëndës “Letërsi për fëmijë”. Ardian Shengjergji Emrat e pedagogëve të pezulluar dhe të arrestuar 1. Ornela Bilali, 50 vjeçe, Lënda: Arti dhe krijimtaria në fëmijërinë e hershme. 2. Zyhra Gripshi, 37 vjeçe Lënda: Puna me familjen dhe komunitetin. 3. Adrian Shingjergji, 61 vjeç, Lënda: Edukimi motorrik dhe lojërat lëvizore. 4. Beatriçe Gani, 58 vjeçe Lënda: Të mësuarit nëpërmjet lojës. 5. Florinda Tarusha, 56 vjeçe, Lënda: Filozofi e edukimit. 6. Monika Hodaj, 49 vjeçe, Lënda: Edukim gjinor ne fëmijërinë e hershme. 7. Gazmend Hodaj, 59 vjeç, sekser Në kërkim 1. Edlira Gugu, Lënda: Letërsi për fëmijë.

Wizz Air vazhdon kompania më problematike, që sjell pakënaqësitë më të mëdha tek qytetarët! Përveç vonesave të pafundme dhe mos-korrektesës me fluturimet, qytetarët duhet të përballen edhe me një staf si ky. Punonjësi shqiptar në aeroportin e Pragës kërcënon nënën me fëmijë se do t’i anulojë fluturimin, pasi nuk i pranon karrocën në bord (që nëna e ka me leje) thjesht sepse s’ka më vend! Prioritet, as që bëhet fjalë! Vetë qytetarja e ka denoncuar problemin e saj tek QYTETARET, duke siguruar edhe një foto të punonjësit problematik të kompanisë Wizzair. Autoriteti i Aviacionit Civil duhet të shkundet për t’i shqyrtuar mirë detyrat e tij: Të njohë të drejtat e qytetarëve, të përgjigjet për vonesat e fluturimeve, të kompensojë anulimet, të mbajë përgjegjësi për refuzimet e hipjes në bord, uljen në kategori, dëmtimet apo humbjen e bagazheve etj. Duhet të merren patjetër masa, gjendja është skandaloze!

Kam qene e shtruar tek materniteti Geraldina 3 muaj. Na sillnin “supe” , leng me fara kungulli 3 here ne jave; fergese me gize dhe patate te bluar, leng me patllinxhane. Them leng sepse ashtu gatuanin, jo se ishin gjelle. Dhe ku, ne maternitet qe te gjitha kerkonim ushqim qe te ushqenim veten dhe bebin ne bark. Mos te permend qe mbasdite ushqimi ishte perdite makarona + supe ose pilaf + supe / kos. Ishte cdo mbasdite i njejte . Kush kishte mundesi, ja sillnin ushqimin nga shtepia sepse ai ushqim atje ishte tejet i shpifur. Edhe kafsheve tja jepje per te ngrene , e sigurt qe do e provonin e s’do e hanin

Prsh. Kane shume kohe qe thone “do vije sot, do vije neser”. Tek Spitali i Durresit mungon Metadoni per perdoruesit e droges. Nuk kemi zgjidhje tjeter, do t’i kthehemi droges prape. Na rrofte mundi.

Profesioni im është mësuese. Formalisht është hapur “ Portali Mësuesit” për punësimin në këtë profesion,duke u vlerësuar nga një provim lëndor,i cili bëhet me llogaritje matematikore zbritëse dhe pikë dosje (vite pune).Sheh rezultate në renditje që të çudisin!Përpos dallavereve në renditje dhe kodeve të secilit nuk shpallen asnjëherë në mënyrë transparente rezultatet e X mësuesi dhe kodi tij përkatës!Nëpër ZA(zyra arsimore) drejtoreshat fshehin vendet vakante dhe punësojnë kë të duan,drejtorët e shkollave bashkëpunojnë me to!Kemi vite që rendemi pas portalit,me dokumenta të pafundme dhe të përsëritshme në çdo vit dhe asnjë shpresë! Kur sheh që punësohen pa nivelin Master,pa Liçensë,pa një formim të mirëfilltë në lidhje me mësuesinë ,por edhe mënyrën e të folurit, shprehurit, qartësisë dhe saktësisë në artikulim është për të vënë duart në kokë! Me aftësi kam arritur të arsimohem dhe të punoj me shkëputje sa në privat e sa në shtet si mësuese ndihmëse(për nxënës me aftësi të kufizuar).Që nga zgjedhja e MINISTRES ARSIMIT,si nuk u zgjodh një mësues/e ,një pedagog/e,një specialist/e arsimi që ka eksperiencë dhe dashamirësi për përparimin në cilësi të arsimit,kurrikulës dhe punësimit në arsim?!Gjithçka është bërë e neveritshme ,pasi politika me tentakulat e saj ka kapur gjithçka dhe këdo që punon për të.

©Vox News Një aksion i 2021 i Prokurorisë së Tiranës dhe dosja e Arben Ahmetajt në SPAK ngrenë hije të fortë dyshimesh se investitorët strategjikë në Shqipëri po përdoren gjerësisht për pastrimin e parave të pista të dyshuara me burim trafikun e drogës, apo korrupsionin. Në rastin e parë bëhet fjalë për hetimet pasurore të nisura nga prokuroria ndaj Alban Xhepës, person i skeduar nga autoritetet italiane me akuzën e trafikut të drogës. Ndaj tij, prokuroria njoftoi në 2021 sekuestrimin e një morie pronash, nga automjete, apartamente e deri tek bizneset. Mes pronave të sekuestruara renditet edhe një restoranti me emrin Heat i vendosur në Green Coast të Samir Manes në Palasë. Restoranti është hapur në maj të vitit 2020. Një vit më vonë ishte objekt sekuestrimi, ndërsa më 11 mars 2022, sipas dokumentacionit të dorëzuar në QKB është mbyllur si aktivitet. Megjithatë, Alban Xhepa nuk është i vetmi që i ka qëndruar larg Green Coast në Palasë këtë verë. Burime të shumëfishta të Voxnews.al konfirmojnë shumë pronarë VIP të vilave luksoze të ndërtuara nga Samir Mane nuk e kanë kaluar postbllokun e rrethimit të tyre. E thënë më thjesht, kanë qendruar larg pronave mijëra-euroshe që kanë blerë në këtë resort dhe që në një pjesë të mirë kanë përdorur skemën e Arben Ahmetajt, ose skema të ngjashme duke i regjistruar në emër të personave të tretë. Arsyeja se përse u janë prishur pushimet e këtij viti ka qenë SPAK dhe Byroja Kombëtare e Hetimit. Kjo e fundit, me urdhër të prokurorëve të posaçëm është stacionuar pothuajse në mënyrë të përhershme pranë resortit në gjueti të parave të krimit të organizuar dhe korrupsionit. SPAK dhe BKH kanë indicie dhe dyshojnë se Green Coast është përdorur gjerësisht si lavatriçe për pastrimin e parave, si nga persona me rekorde kriminale, ashtu edhe nga zyrtarë të korruptuar të të gjitha niveleve. Pastrimi i parave është një proces që kërkon dy palë. Njëra palë është ajo që ka paratë në të zezë e që synon t’i fusë në sistem. Pala tjetër është ajo që e mundëson t’i fusë në sistem. Përgjegjësitë ligjore të secilës palë përcaktohen nga nenet 287 dhe 287/a të Kodit Penal. Për rastin e parë, neni 287 parashikon dënim me burg nga 7 deri në 15 vite. Kjo është njëra nga tre akuzat e ngritura ndaj Arben Ahmetajt. Për palën e dytë, neni 287/a parashikon tekstualisht se: ‘Kushdo që blen, merr, fsheh apo, në një mënyrë tjetër, përvetëson për vete ose një palë të tretë, apo ndihmon në blerjen, marrjen, fshehjen ose përdorimin e parave apo mallrave të tjera, duke ditur se një person tjetër ka përfituar këto para apo mallra, si pasojë e kryerjes së një vepre penale ose veprimtarie kriminale, dënohet me burgim nga gjashtë muaj gjer në tre vjet’. Sipas këtij parashikimi, drejtuesit ekzekutivë të Green Coast mund të jenë subjekt hetimor i SPAK-ut dhe të rrezikojnë deri në tre vite burg. Por, në rastin e resortit Green Coast dhe Val-a-Mar në Gjirin e Lalëzit, dyshimet e SPAK flasin për një aktivitet pastrimi parash të një shkalle industriale, që do të thotë se e gjithë skema buron më lart se sa thjesht drejtuesit e kompanive të Samir Manes. Megjithatë, të gjitha këto deri më tani mbeten në kuadrin e dyshimeve të forta se kompanitë e Samir Manes kanë ndihmuar në pastrimin e parave të korrupsionit dhe të krimit të organizuar. Për t’i provuar, apo për t’i hequr këto hije dyshimi nevojitet rezultati i hetimeve të thelluara të SPAK…gjithmonë nëse do t’i shkohet dosjeve të bujshme që ka në dorë deri në fund.